Sunday, December 4, 2011

ఇదియే భాగ్యము – ఇదియే సౌఖ్యము

ఇదియే భాగ్యము – ఇదియే సౌఖ్యము
ఇదియే సత్యము – ఇదియే నిత్యము
నిగమార్థంబును నిక్కము నెఱగిన
ఈశంబుగ ఈ విశ్వము నిత్యము             -ఇదియే-

దృక్కులు చూడని దృశ్యంబిదియే
వాక్కు వచింపని వచనంబిదియే
మనసుకు తోచని మర్మంబిదియే
పరముల కన్నింటి పరమంబిదియే           -ఇదియే-

అక్షికి ఆవల అక్షయమైనదీ
కుక్షికి లోపల సుస్థిరమ్మదీ
వక్షాంతరమ్మున వెలుగుచున్నదీ
విశ్వమూలమై విత్తుగనున్నదీ                -ఇదియే-

వేంకటనాధుని పదముల సన్నిధి
పెనుచీకటుల పారద్రోలునది
కోటిసూర్యుల తేజ ప్రభయది
కోరిన క్షణమే దొరకే పెన్నిధి                             -ఇదియే-

No comments:

Post a Comment