చూడరండి కనులారా

చూడరండి కనులారా మనసారా పాడరండి  
కప్పురపు కాంతిలో కలికి శోభనాంగునీ

శంఖ చక్ర ధారుడై చిదానందుడూ

          అమ్మ అలమేల్మంగతో అలరించినాడూ

మకర కుండలాలు మెరయుచున్నవి అదిగో

          చెక్కిలి సొంపుల విరియబూయ

చిరుత గడ్డము మీది చిరునగవుల పూలవిగో

          కొనగంటి చూపుల కరుణామృతమదిగో

నిండైన తిరునామము మోము సొంపదిగో

          ధగధగల మెరపించు మణిమకుటమ్మదిగో

ఇరుదండల ధరియించిన నాగ భూషణాలు

          కటివరద హస్తాలతో కనువిందైనాడు

బ్రహ్మాది దేవతల వందనాలందిన వదిగో

          పాదారవిందాల శరణుగోరుచునూ